cpm-leader-m-v-jayarajans-controversial-statement-against-muslim-women-dress-code

‘പര്‍ദ്ദ ധരിച്ചെത്തുന്നവരെ വോട്ട് ചെയ്യാൻ അനുവദിക്കരുത്’ ; വിവാദ പ്രസ്താവനയുമായി എം വി ജയരാജൻ

Breaking News Kerala

കണ്ണൂര്‍: പര്‍ദ്ദ ധരിച്ചെത്തുന്നവരെ വോട്ട് ചെയ്യാൻ അനുവദിക്കരുതെന്ന് സിപിഎംകണ്ണൂര്‍ ജില്ലാ സെക്രട്ടറി എം വി ജയരാജൻ. പോളിങിന് ക്യൂവിൽ നിൽക്കുമ്പോള്‍ മുഖപടം മാറ്റണമെന്നും എം വി ജയരാജൻ ആവശ്യപ്പെട്ടു. കണ്ണൂരിലെ പരിപാടിയിലാണ് ജയരാജൻ വിവാദ പ്രസ്താവന നടത്തിയത്.

പോളിങ് ബൂത്തിലെ ക്യാമറയിൽ കൃത്യമായി പതിയുന്ന തരത്തിൽ മാത്രമേ വോട്ട് ചെയ്യാൻ അനുവദിക്കാവൂ. ഇത് പോലെ വോട്ടെടുപ്പ് നടത്താൻ തെരഞ്ഞെടുപ്പ് കമ്മീഷൻ തയ്യാറാകുമോയെന്നും ജയരാജൻ ചോദിച്ചു. ഇത് നടപ്പാക്കിയാൽ യുഡിഎഫ് ജയിക്കുന്ന എല്ലായിടത്തും എൽഡിഎഫ് ജയിക്കുമെന്നും അദ്ദേഹം കൂട്ടിച്ചേര്‍ത്തു.

അതേസമയം പ്രസ്താവന വിവാദമായതോട ജയരാജനെ തള്ളി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ രംഗത്തെത്തി. പര്‍ദ്ദ ധരിച്ചവര്‍ക്ക് പോളിങ് ബൂത്തിൽ വരാൻ അവകാശുണ്ട്. പര്‍ദ്ദ എന്നത് വസ്ത്രത്തിൻ്റെ ഭാഗമാണ്. എന്നാൽ വോട്ട് ചെയ്യാൻ മുഖം മറച്ച് എത്തുമ്പോള്‍ ഏജൻ്റ് ആവശ്യപ്പെട്ടാൽ മുഖം കാണിക്കണമെന്നും അദ്ദേഹം പറഞ്ഞു.

READ  തൃശൂര്‍പൂരത്തിന്‌ ആചാരത്തികവോടെ കൊടിയിറക്കം; അടുത്തവര്‍ഷം കാണാമെന്ന വിട ചൊല്ലലോടെ തൃശൂരിനു പുതിയ പൂരക്കലണ്ടറായി...