kevin-murder-case-prime-witness-reneges

കെവിൻ വധക്കേസിൽ ഒരു സാക്ഷികൂടി കൂറുമാറി

Crime

കോട്ടയം: കെവിൻ വധക്കേസിൽ 11-ാം പ്രതി ഫസൽ ഷെരീഫിന്റെ വീട്ടിൽനിന്നും പോലീസ് ഫോൺ കണ്ടെടുത്തതിനു സാക്ഷിയായിരുന്ന ഇംതിയാസ് മൊഴി മാറ്റി. ഫസൽ ഷെരീഫിന്റെ വീട്ടിൽനിന്നും എന്തൊക്കെയോ എടുക്കുന്നതു കണ്ടു. എന്നാൽ ഫോൺ എടുക്കുന്നത് കണ്ടില്ലെന്നും കുട്ടിക്കാലം മുതൽ ഫസലിനെ അറിയാം അവനെ ശിക്ഷിക്കരുതെന്നാണ് ആഗ്രഹമെന്നും ഇംതിയാസ് പറഞ്ഞു.

കെവിൻ വധക്കേസിൽ ഇതുവരെ ആറുപേരാണ് മൊഴിമാറ്റിയിരിക്കുന്നത്. വെള്ളിയാഴ്ച ഒമ്പതു സാക്ഷികളെയാണ് വിസ്തരിച്ചത്. 2018 മെയ് 26ന് കെവിൻ, ബന്ധു അനീഷ് എന്നിവരെ തട്ടിക്കൊണ്ടുപോയ ദിവസം പ്രതികൾ എസ്ബിഐ കാർഡ് ഉപയോഗിച്ച് പെട്രോളടിച്ചതിന്റെ രേഖ തിരുവനന്തപുരം എസ്ബിഐ അസിസ്റ്റന്റ് മാനേജർ കൃഷ്ണരാജ് തിരിച്ചറിഞ്ഞു. തിരുവനന്തപുരത്തേക്ക് വരുമ്പോൾ മൂന്ന് വാഹനങ്ങളിൽ ആറായിരം രൂപയുടെ ഇന്ധനം പ്രതികൾ നിറച്ചിരുന്നു. ഇതിന്റെ രേഖകളാണ് തിരിച്ചറിഞ്ഞത്.

കെവിന്റെ മൃതദേഹം ചാലിയേക്കര തോട്ടിൽ കണ്ടെത്തിയ റെജി ജോസഫ്, കെവിന്റെ വസ്ത്രങ്ങൾ തിരിച്ചറിഞ്ഞ ബന്ധു ബൈജി, തട്ടിക്കൊണ്ടുപേയശേഷം അനീഷ് തിരിച്ചുവരവെ പ്രതിയായ നിയാസ് നൽകിയ ഷർട്ട് പോലീസിന് നൽകിയപ്പോൾ സാക്ഷിയായ മാന്നാനം സ്വദേശി സുരേഷ് എന്നിവരെയാണ് തിരിച്ചറിഞ്ഞത്.

READ  കല്ലടയില്‍ യുവതിയെ പീഡിപ്പിക്കാന്‍ ശ്രമം; ബസ് പിടിച്ചെടുത്തു